Dutnje gii leat guoibmi
Fuomášit ahte lea áhpeheapmen ja abortajearaldat sáhttá gomihit eallima vulosoaivvális. Áhpeheapmin šaddat ii soaitán leat plánejuvvon, bođii vuorddekeahttá dahje ii lean jurddašuvvon? Beroškeahttá leat go ovttas suinna guhte lea áhpeheapme dahje it, de soaittát don gártan áibbas vuorddekeahtes ja ođđa dillái.
Dakkár dilis sáhttet badjánit olu jurdagat ja dovddut. Álggát jurddašallat movt don ja doai dás galgabeahtti dahkat. Jierásnuvvan, illu, šlundun, suhttu ja fuolastuvvan sáhttá leat dábálaš.
Guoibmin soitet dus leat olu gažaldagat maidda háliidat vástádusa. Lean go mun máná áhčči? Maid dál galggan bargat? Naba jus ean leat ovttaoaivilis? Movt šaddá boahtteáigi? Makkár vuoigatvuođat mus leat? De sáhttá leat buorre jus lea geainna ságasta ja gii sáhttá veahkehit du gávdnat vástádusaid.
Amatheas deaivvadat dearvvašvuođabargiiguin geain lea guhkes hárjáneapmi ságastallat guimmiiguin sidjiide geat leat dahje ledje áhpeheamit.
Dárbbašat go don ságastit ovttainge?
Amatheas lea mis guhkes hárjáneapmi ja gelbbolašvuohta ságastallat guimmiiguin sidjiide geat leat dahje leat leamaš áhpeheamit. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.