Go leat válljen
Sáhttá leat stuora hástalussan válljet áigu go gaskkalduhttit dahje ollašuhttit áhpehisvuođa. Vaikko lea ge válljen ollašuhttit áhpehisvuođa, de sáhttet aŋkke badjánit gažaldagat, jurdagat dahje eahpesihkarvuohta maŋŋel.
Muhtumiidda lea guoibmi, ustit dahje bearaš buoremus veahkkin, muhto muhtumiidda soaitá ságastallan profešuvnnalaš bealátkeahtes olbmuin leat ávkkálaš.
Jus háliidat ságastallat bealátkeahtes fágaolbmuin, de sáhtát váldit oktavuođa Amatheain, dearvvasvuođabuohccedivššáriin, fástadoaktáriin dahje jorttamovrrain.
Go minguin ságastat de lea deháleamos ahte don beasat muosis muitalit dan mii dutnje lea mávssolaš. Amathea galgá leat oadjebas báikin gos don beasat rahpasit hupmat earáid oaiváladdamiid haga.
Dárbbašat go don ságastit ovttainge
Amatheas deaivvadat dearvvašvuođabargiiguin geain lea guhkes hárjáneapmi ságastallat maŋŋel go leat válljen maid dagat. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.