Heahteprevenšuvdna
Heahteprevenšuvdna adno jus lea anašan prevenšuvnna haga dahje jus kondoma lea gaikásan dahje eret gahččan. Dan sáhttá maid váldit jus lea vajálduhttán pillera, P-loastara dahje p-rieggá geavaheamis, muhto dalle lea dehálaš lohkat Sex og samfunn neahttasiiddus iežat prevenšuvnna birra ovdalgo válddát heahteprevenšuvnna. Gávdnojit guovttelágán heahteprevenšuvnnat: pillerat main leat hormonat ja veaikespirála.
Hormonalaš heahteprevenšuvdna
Gávdnojit guovttelágán hormonaheahteprevenšuvnna, EllaOne ja Norlevo. Don sáhtát oastit goappaš variánttaid reseaptta haga apotehkas ja muhtun gávppiin. Daid berre váldit farggamusat maŋŋel go lea anašan prevenšuvnna haga vai lea buoremus vejolaš effeakta. Pillerat hoigadit monneluovvaneami dobbelii, muhto dain ii leat áhpu jus dus lea monneluovvaneapmi leamaš ovdalgo válddát pillera. Danin galggat álo váldit áhpehisvuođaiskosa 3 vahkku maŋŋel go leat váldán heahteprevenšuvnna. Muhtumat dovdet illáveadjin, čoavjebákčasiid ja vardima.
Ellaone
Sáhttá bistit 5 jándora (120 diimmu) maŋŋelii go lea anašan prevenšuvnna haga, muhto dan berre váldit nu jođánit go vejolaš. Don fertet vuordit 5 jándora ovdalgo válddát eará homonealla prevenšuvnna daningo dat sáhttá billistit EllaOne effekta.
Norlevo
Sáhttá bistit 3 jándora (72) diimmu maŋŋelii go lea anašan prevenšuvnna haga, muhto dan berre váldit nu jođánit go vejolaš. Don sáhtát váldit maiddái eará hormonealla prevenšuvnna vaikko leat váldán Norlevo. Dan sáhttá máŋgii váldit gaskan mánnodávdda.
Veaikespirála heahteprevenšuvdnan
Veaikespirála lea sihkkareamos heahteprevenšuvdna. Dan sáhttá bijahit 5 jándora maŋŋelii go lea anašan prevenšuvnna haga ja dat eastada áhpehisvuođa 99 nissonolbmos juohke 100 nissonolbmui. Veaikespirála ii maŋit monneluovvaneami, muhto hehtte sáhkkehuvvon moni darváneames goŧŧui.
Gáldot: Sex og samfunn