Aborta
Aborta sáhttá leat juogo iešdáhtolaš (provoserejuvvon) aborta dahje vahágis (spontána) aborta, namalassii cuovkaneapmi. Seammás leat máŋga vejolaš vuogi ja doahpaga mat gusket abortii, omd. missed abortion, maŋŋitaborta, cuovkaneapmi ja áhpehisvuođamassin. Lea maiddái nu ahte olmmoš sáhttá dovdat ahte iešdáhtolaš aborta ii leat duođai eaktodáhtolaš. Ii leat álo nu ahte son guhte válddiha eret ogi dovdá ahte son duođai válljii dan ieš.
Amathea lea fálaldat buohkaide beroškeahttá manin áhpehisvuođa gaskkalduhttá!
Juohkehaččas sáhttá leat su iežas vásáhus das movt aborta dovdo sihke abortta ovdal, dan botta go váldá ja maŋŋel. Mii Amatheas oaidnit ahte oallugiidda dahká buori go lea geainna beassá ságastit maŋŋel, ja oažžut vástádusaid gažaldagaide, čorget jurdagiid ja gieđahallat vásáhusa. Dat sáhttá leat ávkkálaš vai buorebut ipmirda iežas reakšuvnnaid dahje dovdduid mii lea dehálaš áiggi vuollái.
Min neahttasiiddus gávnnat dieđuid, ja váldde áinnas Amatheain oktavuođa, mii veahkehit du!
Jus háliidat ságastallat bealátkeahtes fágaolbmuin, de sáhtát váldit oktavuođa Amatheain, dearvvasvuođabuohccedivššáriin, fástadoaktáriin dahje jorttamovrrain. Muhtumiidda lea ges guoibmi, ustit dahje bearaš buoremus ságastanguoibmin.
Go minguin ságastat de lea deháleamos ahte don beasat muosis muitalit dan mii dutnje lea mávssolaš. Amathea galgá leat oadjebas báikin gos don beasat rahpasit hupmat earáid oaiváladdamiid haga.
Dárbbašat go don ságastit ovttainge?
Amatheas deaivvadat dearvvašvuođabargiiguin geain lea guhkes hárjáneapmi ságastit abortta birra, goas dál de leaš dáhpáhuvvan dahje guđe láhkai aborta dáhpáhuvai. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.