Kondoma
Eanas kondomat leat ráhkaduvvon latex ávdnasis mii lea muhtunlágán gummiávnnas. Kondomat gávdnojit iešguđet sturrodagas, ivnnis ja mágus. Eatnasiidda lea vuidojuvvon njalkkodahttinvuoiddas mii sáhttá dagahit anašeami buorebun. Jus ii gierdda latexa, de gávdnojit maiddái latexakeahtes kondomat. Kondomat sáhttet dagahit ahte ii leat nu hearki ja dat sáhttá leat ovdamunnin vai gierdá guhkit.
Seksuála njoammudávddat
Kondoma lea áidna prevenšuvdna mii suddje sihke áhpehisvuođa ja seksuála njoammudávddaid vuostá, dego klamydia. Dutkamat čájehit ahte du guoibmi atná du fuolalažžan, várrogassan ja rávisin jus evttohat geavahit kondoma.
Gáldot: Sex og samfunn