Maŋŋel abortta
Juohkehaččas lea su iežas muitalus ja vásáhus. Muhtun olbmui lea aborta eaktodáhtolaš ja sávvojuvvon čoavddus, nubbái sáhttá leat sávakeahtes bákkolaš dáhpáhus. Lea dábálaš dovdat sihke geahpádusa, suhtu, šlunduma, eahpesihkarvuođa ja morraša. Dat dovddut sáhttet boahtit dalán dahje muhtun áiggi maŋŋel. Dás ii leat fasihtta, ja dušše son geasa guoská diehtá movt sutnje lea.
Oallugiidda lea dehálaš beassat ságastit maŋŋel. Sáhttá leat ávkkálaš oažžut vástádusaid iežas gažaldagaide, čorget jurdagiid ja muitalit iežas vásáhusa birra. Muhtun olbmui soaitá leat buoremus ságastit guimmiin, ustibiin dahje bearrašiin. Nubbái fas soaitá profešuvnnalaš bealátkeahtes ságastanguoibmi dego Amathea leat buoremus.
Dát fáttát lea dábálaččat go minguin ságastallá:
- Mu vásáhus aborttas
- Eahpesihkarvuohta
- Mu fysalaš ja psyhkalaš dearvvašvuohta
- Heahpatdovdu ja iežas sivahallan
- Roassodovdu
- Moraš
- Oktavuohta guoibmái/máná áhččái
- Oktavuohta bearrašii
- Sosiála dahje kultuvrralaš preassa
- Makkár šaddá mu boahtteáigi
Trenger du noen å snakke med?
Amatheas deaivvadat dearvvašvuođabargiiguin geain lea guhkes hárjáneapmi ságastallat abortta ja áhpehisvuođa birra. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.