Mieleatnis lea omd. seamma riekti dego áhčis váhnenruđaide ja áhččekvohtii. Mieleadnái gusket maiddái áššit dego váhnenovddasvástádus, fásta orrunsadji, servvoštallanriekti, fuolahangeatnegasvuohta ja árbi.

Nissonolbmot geat leaba náitalan, registrerejuvvon bealálažžan dahje ovttasássin lea riekti beassat árvvoštallot veahkkesahkkehusa oažžut. Jus deavdá gáibádusaid, de sáhttá eatni náittosbeallelaš/guoibmi dahje ovttasássi šaddat máná mieleadnin.

Jus mieleadnivuohta galgá dohkkehuvvot de ferte mánná leat riegádan maŋŋel veahkkesahkkehusa mas lea diehttevaš siepmandonáhtor dohkkehuvvon dearvvašvuođaásahusas. Máná eatni náittosbeallelaš dahje ovttasássi ferte dábálaččat čálalaččat miehtat veahkkesahkkehussii. Náittosbeallelaččaide gáibiduvvo ahte leigga náitalan go mánná riegádii, ja ovttasássiide ahte ásaiga ovttas go veahkkesahkkehus čađahuvvui.

Jus eavttut mearridit mieleadnivuođa leat devdojuvvon, de sáhttá mieleadnivuohta mearriduvvot maiddái jus biologalaš eadni ja/dahje vejolaš mieleadni ii dáhto oassálastit dasa. Jus eatni náittosbeallelaš/guoibmi dahje ovttasássi lea mieđihan veahkkesahkkehusa, de geatnegahttá dat mieđáhus váhnenovddasvástádusa mánnái, vaikko šaddá omd. earráneapmi. NAV sáhttá dárbbu mielde čuoččáldahttit ášši diggái mieleadnivuođa dohkkeheami hárrái.

Mieleadnivuođa ohcama fertebeahtti sáddet álbmotregisttareiseváldái. Ohcama sáhttá sáddet dakkaviđe go veahkkesahkkehus lea čađahuvvon.

Lea álbmotregisttarváldi mii mearrida ohcamiid mieleadnivuođa hárrái, ja ulbmil lea sihkkarastit ahte mánás leat guokte juridihkalaš váhnema. Jus eavttut leat devdon, de sáhttá mieleadnivuođa ohcan dohkkehuvvot ovdalgo mánná riegáda. Mearrádusa rievttálaš váikkuhusat gustogohtet go mánná lea riegádan.

Gáldot:
https://www.nav.no/registrere-far-eller-mor#medmorskap
https://www.skatteetaten.no/person/folkeregister/fodsel-og-navnevalg/soknad-om-medmorskap