Hormonspirála
Hormonaspirála lea dipmá plastihkas ráhkaduvvon ja sisttisdoallá duššefal gestagena. Dat lea su. 3 cm guhku ja biddjo goaŧu sisa. Spirála guokte árppu heaŋgájit luovos. Daid árppuid sáhttá dovdat jus guldala suorpmain. Árpput leat vai diehtá ahte spirála lea sajis, ja vai dan sáhttá eret gaikkihit.
Hormonaspirálain leat unnán hormonat, ja dat doibmet báikkálaččat goaŧu siste. Dat njivluda goaŧu šliivvi nu ahte sagahanseallat eai beasa goaŧu sisa, ja nu eastadit sahkkema. Dasa lassin šaddet monneseallat ja sagahanseallat unnit aktiivan spirála hormonaid geažil.
Vardin hormonspirálain
Oallugat eai vardde, ja muhtumat vardet dušše veahá go lea hormonspirála, muhtumat sáhttet oažžut jámma vardimiid ja muhtumat muhtomin. Vardin sáhttá váivahuhttit, muhto ii leat várálaš.
Iešguđetlágán hormonspirálat
Gávdnojit njealjelágán hormonspirála. Mirena ja Levosert bistet 6 jagi. Kyleena bistá 5 jagi ja Jaydess ges 3 jagi. Lea unnán vealla hormonahivvodagas. Nissonolmmoš gii ii leat riegádahttán sáhttá geavahit juohkelágán spirálaid.
Gáldot: Sex og samfunn