Missed abortion
Missed abortion lea go áhpehisvuohta bisána nu ahte it dovdda abortta dovdomearkkaid. Ohki sáhttá leat jápmán dahje ii leat oba sahkanan ge, seammás bisuha vuossamátta áhpehisvuođa dili.
Vásihit missed abortion rievddada sakka olbmos olbmui, maiddái maŋŋel. Dovdduid gieđahallan sáhttá váldit áiggi beroškeahttá das lei go áhpehisvuohta plánejuvvon dahje ii, sávvojuvvon dahje ii.
Muhtumat sáhttet reageret morrašiin ja dovdat missed abortion roassun. Muhtumat ges sáhttet vuollánit, dovdat geahpádusa, suhtu dahje jierásnuvvama. Dovddut sáhttet boahtit dakka maŋŋel dahje muhtun áiggi maŋŋel. Dasa ii leat fasihtta, ja duššefal don dieđát movt dát dovdo.
Eatnasiidda lea ávkkálaš beassat ságastit muhtumiin, juogo guimmiin, ustibiin dahje bearrašiin. Nuppiide fas sáhttá ságastallan profešuvnnalaš ságastanbeliin leat buorren veahkkin.
Amatheas oaidnit mii ahte oallugiidda lea buorre ja dehálaš beassat ságastit muhtumiin maŋŋel, vai oažžu vástádusaid, beassá čorget jurdagiid ja muitalit vásáhusa cuovkanemiin. Dat sáhttá veahkehit ipmirdit iežas reakšuvnnaid ja dovdduid maŋŋel cuovkaneami, ja dat sáhttá leat mávssolaš vai nagoda gieđahallat dili ja veadjit bures maŋŋel.
Deháleamos go deaivvadat minguin lea ahte oaččut áiggi ja vejolašvuođa muitalit mii dutnje lea mávssolaš. Dat galgá lea oadjebas báiki gos don beasat rahpasit muitalit, earáid oaiváladdamiid haga.
Dárbbašat go don ságastit ovttainge?
Amatheas deaivvadat dearvvašvuođabargiiguin geain lea guhkes hárjáneapmi ságastallat cuovkaneami birra. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.