Áhpehisvuođaiskkus
Jus mánnodávda ii boađe nu movt láve dahje jus leat anašan kondoma dahje prevenšuvnna haga, de sáhttá lea jierpmálaš váldit áhpehisvuođateastta. Dakkár teastta oaččut nuvttá buot Amathea kantuvrrain. Teastta sáhtát maiddái oastit apotehkas dahje biebmogávppis.
Goas sáhtán váldit áhpehisvuođaiskosa?
- Rávan lea váldit áhpehisvuođaiskosa 3 vahkku maŋŋel anašeami mas sáhtát šaddan áhpeheapmin. Jus ovdal válddát iskosa, de sáhttá čájehit beahtti negatiivan.
- Eanas áhpehisvuođaiskosat čájehit bohtosa áramusat ovtta beaivvi maŋŋel vurdojuvvon mánnodávdda.
- Váldde áhpehisvuođaiskosa iđitcissás. Das leat eanet áhpehisvuođahormonat.
Positiiva iskkus? Dárbbašat go ságastit?
Amatheas deaivvadat dearvvašvuođabargiiguin geain lea guhkes hárjáneapmi ságastallat das ahte áhpehisvuođaiskkus lea positiiva dahje ahte mánnodávda ii leat boahtán nu movt láve. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.