Prevenšuvdna
Amatheas oaččut nuvttá prevenšuvdnarávvagiid, ja sáhtát oažžut veahki dearvvašvuođabuohccidivššáris dahje jorttamovrras gávdnat rievttes prevenšuvnna dutnje. Mii sáhttit maiddái vástidit gažaldagaid ja mii leat riikkaviidosaš bálvalus buohkaid várás.
Prevenšuvdnavejolašvuođat:
Dán áiggi gávdnojit olu iešguđetlágán prevenšuvdnavejolašvuođat, muhto lea duššefal kondoma mii suddje seksuála njoammudávddaid vuostá.
Iešguđet prevenšuvnnat:
- Veaikespirála
- Hormonspirála
- P-sággi
- Kombinašuvdna p-piller
- Gestagena p-piller
- P-riekkis
- P-loasttar
- P-boahkku
- Kondoma
Prevenšuvnna vállje olmmoš ieš dan diehtojuohkima vuođul maid lea ožžon geavaheami birra, vejolaš váikkuhusaid ja vejolaš riskkaid birra.
Reseapta?
Dalle gánnáha viežžat reseaptta ovdal daningo sáhtát oažžut olles prevenšuvnna dahje osiid das gokčojuvvot. Dat gusto gitta mánu ovdalii go deavddát 22 jagi. Don guhte leat boarráset sáhtát viežžat reseaptta apotehkas ja oastit prevenšuvnna njuolga Amatheas ja máksit Vippsain. Leat go vuollel 16 jagi? De fertet oažžut reseapta fástadoaktáris dahje eará doaktáris. Dađi bahábui ii leat prevenšuvdna nuvttá vuollel 16 jahkásaččaide, earet muhtun suohkaniin.
Spirála dahje p-sákki bijaheapmi:
Amatheas Bergenis ja Oslos sáhtát oažžut nuvttá diimmu bijahit, eretválddihit dahje lonuhit p-sákki ja spirála, ja iskkahit spirála. Go spirála bijaha de váldojit maiddái seksuála njoammudávddaid iskosat.