Mun árvvoštalan váldit abortta
Fuomášit ahte lea áhpeheapmin, sáhttá dovdot hui iešguđetládje olbmos olbmui. Soaitá leat nu ahte it leat plánen šaddat áhpeheapmin, iskkusboađus lei áibbas vuordemeahttun, du eallindilli ii šaddan nu movt ledje jáhkkán dahje soaittát leat eahpesihkar movt dán dilis galgá dahkat? Dakkár dilálašvuođas lea dábálaš ahte badjánit hui olu gažaldagat, ja vástádusat leat unnán dahje eahpesealvvis. Seammás šaddá mearridit galgá go loahpahit dahje ollašuhttit áhpehisvuođa.
Muhtun soaitá dárbbašit ságastit nuppi olbmuin, juogo ieš dušše dahje guimmiin fárrolaga dahje suinna geainna lea šaddan áhpeheapmin. Earát ges dárbbašit dieđuid ja vástádusaid gažaldagaide.
Ii leat álo álki diehtit maid dakkár dilis eanemus dárbbaša. Lea hui dábálaš dovdat olu iešguđet dovdduid nugo ilu, eahpesihkarvuođa, eahpádusa, doaivaga, balu ja fuolastuvvama.
Dát fáttát leat dávjá guovddážis go minguin ságastallá:
- Du dilli juste dál
- Eahpesihkarvuohta
- Oktavuohta guoibmásat/máná áhččái
- Oktavuohta bearrašasat
- Du fysalaš ja psyhkalaš dearvvašvuohta
- Heahpatdovdu ja iežas sivahallan
- Sosiála dahje kultuvrralaš preassa
- Boahtteáiggi jurdagat
Deháleamos du ja min ságastallamis lea ahte oaččut áiggi ja vejolašvuođa muitalit mii dutnje lea dehálaš. Dat galgá lea oadjebas báiki gos don beasat rahpasit hupmat, earáid oaiváladdamiid haga.
Amatheas deaivvadat dearvvašvuođabargiiguin geain lea guhkes hárjáneapmi ságastallat olbmuiguin geat árvvoštallet váldit abortta.
Dárbbašat go don ságastit ovttainge?
Amatheas deaivvadat dearvvašvuođabargiiguin geain lea guhkes hárjáneapmi ságastit abortta birra, goas dál de leaš dáhpáhuvvan dahje guđe láhkai aborta dáhpáhuvai. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.