Ságastallat ovttas
Hástaleaddji ja ođđa dilálašvuođas sáhttá leat buorre ságastit ovttas. Go hálešteahppi de sáhttet bohciidit garra dovddut, oaivilat ja dáhtut. Sáhttá leat váttis guldalit ja darvehit maid nubbi háliida dadjat dahje dárbbaša.
Ii leat álo álki ipmirdit nuppi dárbbuid, dáhtuid ja vuordámušaid.
Ságastallat ovttas sáhttá leat ávkkálaš jus lea sáhka áhpehisvuođas mii ii lean plánejuvvon, jus áigu loahpahit dahje ollašuhttit áhpehisvuođa, ja áiggi birra maŋŋel abortta.
Ságastallamiin mat leat minguin ovttas lea min bargun láhčit dili nu ahte beassabeahtti ságastit dan birra mii dudnuide lea dehálaš. Mii eat váldde goappáge beali, ja mii háliidit veahkehit dudno ipmirdit maid doai gaskkusteahppi, vai guldaleahppi nubbi nuppi ja vai gávnnahit buoremus vejolaš čovdosa. Sáhttet leat olu iešguđetlágán reakšuvnnat ja dovddut go ságastallá, mis ii leat masage fasihtta, dasa gal leat hárjánan.
Muhtun olbmui soaitá buoremus ságastit guimmiin, ustibiin dahje bearrašiin. Nubbái fas soaitá profešuvnnalaš bealátkeahtes ságastanguoibmi dego Amathea leat buoremus.
Dárbbašat go don ságastit ovttainge?
Amatheas deaivvadat dearvvašvuođabargiiguin geain lea guhkes hárjáneapmi ságastallat abortta ja áhpehisvuođa birra. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.