Amathea ásahuvvui 2003:s ja lea áidna riikkaviidosaš dearvvašvuođabálvalus mii fállá čuovvoleami ovdal ja maŋŋel abortta. Mis lea almmolaš ruhtadeapmi doarjjaortnega bokte , namalassii “Stiftelsen Amathea” mii lea stáhtabušeahtas ja man Dearvvašvuođadirektoráhta hálddaša.

Mii gullat “Oktasašmodellii” (Fellesmodellen) mii sihkkarastá ollislaš ja dásseárvosaš fálaldaga sutnje gii lea áhpeheapme ja su guoibmái. Beaivválaččat ovttasbargat suohkaniid dearvvašvuođabálvalusain, fástadoaktáriiguin ja buohcciviesuiguin, ja dievasmahttit dearvvašvuođasuorggi iežamet njunušgealbbuin ja riikkaviidosaš funkšuvnnain.

Sis geat barget min luhtte lea dearvvašvuođa- ja sosiálafágalaš oahppu ja leat omd. buohccidivššárat, sosionomat, jorttamovrrat, dearvvašvuođabuohccidivššárat, mánáidsuodjaluspedagogat ja sosiologat main leat iešguđetlágán liigeoahput.

Visot min bálvalusat leat nuvttá ja min oaččut ságaide chatas, telefovnnas, videos dahje jus galledat min kantuvrra.

“DU GORUT LEA DU VÁLGA “

Min bálvalusat

• Ságastallanfálaldat jus leat eahpesihkar áhpehisvuođas – bagadallan dutnje válljet gaskkalduhttit dahje ollašuhttit áhpehisvuođa 
• Čuovvoleapmi ovdal ja maŋŋel abortta
• Prevenšuvdna
• Áhpehisvuođaiskkus
• Joavkkut
• Oahpaheapmi

Amathea lea veahkkin háhkame ođđa máhtu ja eanet gealbbu servodagas nissondearvvašvuođas, unnitlogudearvvašvuođas ja psykososiála hástalusaid hárrái eahpeplánejuvvon áhpehisvuođa ja abortta dáfus. Amathea lea miellahttu Našunála SRHR-fierpmádagas ja mis lea lagas ovttasbargu eará aktevrraiguin dán fágasuorggis.