Jus ean leat ovttaoaivilis
Jus eahppi leat ovttaoaivilis gaskkalduhttit dahje ollašuhttit áhpehisvuođa de sáhttá leat váttis gulahallat. Sáhttet badjánit garra dovddut, oaivilat ja dáhtut go geahččaleahppi humadit, ja sáhttá leat váttis darvehit ja guldalit nuppi dáhtu. Ipmirdit nuppi ja boahtit ovttaoaivilii ii leat álo álki.
Amathea deaivvada olu olbmuiguin, báraiguin ja guimmežiiguin iešguđet dilis – sihke ovdalgo lea mearriduvvon gaskkalduhttit dahje ollašuhttit áhpehisvuođa, ja maiddái maŋŋel abortta. Mii diehtit ahte oallugiidda lea stuora ávkin ja oadjebasvuohtan go lea goalmmát neutrála olmmoš mielde ságastallamis.
Go doai boahtibeahtti ságastallamii minguin, de lea min bargun láhčit dili nu ahte beassabeahtti muitalit mii dudnuide lea dehálaš. Mii eat váldde beali, ja mii veahkehit dudno ipmirdit maid doai háliideahppi gaskkustit, guldalit maid nubbi lohká ja ovttas gávnnahit buoremus vejolaš čovdosa dudnuide. Ságastallamis minguin sáhttet leat olu iešguđetlágán reakšuvnnat ja dovddut, mis ii leat makkárge fasihtta ja dasa mii leat hárjánan.
Dárbbašat go don ságastit ovttainge?
Amatheas deaivvadat dearvvašvuođabargiiguin geain lea guhkes hárjáneapmi ságastallat abortta ja áhpehisvuođa birra birra. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.