Medisiinnalaš dahje kirurgalaš aborta
Leat guokte vuogi movt abortta sáhttá čađahit; medisiinnalaš ja kirurgalaš. Goabbá vuohki lea dan duohken man guhkás leat ollen áhpehisvuođas, ja eará vejolaš medisiinnalaš árttaid duohken. Don beasat friddja válljet gaskal medisiinnalaš ja kirurgalaš abortta, nu guhká go lea medisiinnalaččat bealuštahtti. Buohcciviessu addá dutnje dieđuid goappaš vugiid birra go leat álgoiskamis buohcciviesus.

Sihke medisiinnalaš ja kirurgalaš abortta oktavuođas oaččut álggos diimmu álgoiskamii mas ultrajietnadutkamiin isket juste man guhkás leat vázzán. Iskkadeapmi lea siskkáldas ultrajietnaiskkadeapmi mas guhkes sággi coggojuvvo cinni sisa. Olgguldas ultrajietnaiskkus, čoavjji nalde ii dahkko ovdalgo sullii 13 vahkku lea vázzán. 

Medisiinnalaš aborta
Medisiinnalaš abortta sáhttá dahkat ruovttus dahje buohcciviesus. Don beasat friddja válljet válddát go abortta ruovttus dahje buohcciviesus dáid eavttuid vuođul:

Jus áiggut ruovttus váldit abortta, de fertet leat badjel 18 jagi ja dus ferte leat rávis olmmoš iežat luhtte. Dasa lassin fertet leat dearvvaš, ja áhpehisvuohta ferte leat bistán unnit go 9 vahkku.

Kirurgalaš aborta
Kirurgalaš aborta lea smávit čuohpadeapmi mas dábálaččat oažžu narkosa, muhto sáhttá maiddái leat dušše cinni jámihuhttin ovdal. Čuohpadeapmi ádjána su. 10 minuhta, ja dat dahko bohciin mainna goaŧu sisdoallu njamistuvvo olggos ovdalgo ráhpot olggos vuossamáttacuoccaid. Don veallát gozihanossodagas muhtun diimmuid ovdalgo beasat vuolgit ruoktot. Jus leat bákčasat maŋŋel čuohpadeami, de fállet dutnje dálkasiid bákčasiid vuostá.