Kirurgalaš aborta
Kirurgalaš aborta lea smávit čuohpadeapmi mas goaŧŧu gurrejuvvo smávva bohciin. Dábálaččat oažžu narkosa, muhto sáhttá maiddái leat dušše cinni jámihuhttin ovdal. Čuohpademiin ádjánit su. 10 minuhta ja visot dahkko buohcciviesus.
Ovdal abortta
Go leat leamaš vuosttaš álgoiskamis buohcciviesus de oaččut áiggi abortta váldit. Jus it leat ovdal riegádahttán, de oaččut tableahta mii coggojuvvo cinnái seamma beaivvi ovdal abortta, ja ovdal go boađát buohccivissui. Dat dipmada goaŧŧočoddaga.
Abortta vuolde
Čuohpademiin ádjánit su. 10 minuhta, ja dat dahko bohciin mainna goaŧu sisdoallu njamistuvvo olggos ovdalgo ráhpot olggos vuossamáttacuoccaid. Don veallát gozihanossodagas muhtun diimmuid ovdalgo beasat vuolgit ruoktot. Jus leat bákčasat maŋŋel čuohpadeami, de fállet dutnje dálkasiid bákčasiid vuostá.
Maŋŋel abortta
Maŋŋel kirurgalaš abortta beasat ruoktot seamma beaivvi. Lea dehálaš ahte ságastat buohcciviesu bargiiguin jus dárbbašat čuovvoleami maŋŋel. Maŋŋel abortta varddát sullii vahkku muhto dat unnot dađistaga, ja berret garvit anašeami guokte vuosttaš vahkku maŋŋel abortta dahje nu guhká go varddát. Buohcciviesus oaččut diehtočállosa mii muitala maid galggat váruhit maŋŋel ja movt galggat váldit oktavuođa jus dus leat gažaldagat dahje jus fuolastuvat mainnage.
Dábálaččat lávejit unnán liigegivssit maŋŋel kirurgalaš abortta, ja eanas čuohpadeamit mannet bures. Dábáleamos liigeváikkuhusat maŋŋel leat váibmogákkahat ja čáhcečolohat maid narkosa lea dagahan. Muhtumat vardet olu ja leat čoavjebákčasat. Lea unnán infekšuvdnavárra. Lea hui hárve ahte čuohpadeapmi ii botke áhpehisvuođa. Jus mánnodávda ii leat fas ruovttoluotta 4-6 vahkku maŋŋel, de berret váldit áhpehisvuođaiskosa dahje váldit oktavuođa doaktáriin gávnnahit leat go ain áhpeheapme.
Dábálaččat eai láve fysalaš váttisvuođat maŋŋel medisiinnalaš dahje kirurgalaš abortta, muhto lea goitge dehálaš ahte válddát buohcciviesuin oktavuođa jus:
- varddát eanet go guhtta idjaravssa guovtti diimmu siste
- oaččut febera
- jus leat bákčasat eambbo go 14 beaivvi
- jus olu varddát gillomiid eambbo go 14 beaivvi
- varddát eambbo go njeallje vahkku
Dárbbašat go don ságastit ovttainge?
IAmatheas deaivvadat dearvvašvuođabargiiguin geain lea guhkes hárjáneapmi ságastit abortta birra, goas dál de leaš dáhpáhuvvan dahje guđe láhkai aborta dáhpáhuvai. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.