Mun lean vásihan abortta
Muhtumii lea aborta eaktodáhtolaš ja sávvojuvvon čoavddus, nubbái fas eahpedáhtolaš ja sávakeahtes čoavddus. Goabbá dál de, de sáhttá leat dábálaš dovdat sihke geahpádusa, gáhtama, ahkitvuođa, eahpesihkarvuođa ja morraša. Dovddut sáhttet čuožžilit dakka maŋŋel dahje muhtun áiggi geahčen. Dasa ii leat fasihttavástádus, ja dušše son geasa ášši guoská, diehtá movt dan vásiha.
Sáhttá addit buori dovddu beassat sagastit muhtumiin maŋŋelgo lea vásihan abortta. Oažžut vástádusaid gažaldagaide, čorget jurdagiid ja muitalit iežas vásáhusa sáhttá leat hui ávkkálaš. Jus háliidat humadit neutrála fágaolbmuin de sáhtát váldit oktavuođa Amatheain, dearvvašvuođadivššáriin, fástadoaktáriin dahje jorttamovrrain. Eará olbmui sáhttá ges guoibmi, ustit dahje bearaš leat buoremus ságastanguoibmin.
Dárbbašat go don ságastit ovttainge?
IAmatheas deaivvadat dearvvašvuođabargiiguin geain lea guhkes hárjáneapmi ságastallat maŋŋel abortta. Mii leat bealátkeahtes dearvvašvuođabálvalus, mis lea jávohisgeasku ja mii veahkehit du dan dilis mas don leat ja dainna válggain maid leat dahkan. Don oaččut min lusa boahtit akto, guimmiin fárrolaga dahje suinna geainna don leat šaddan áhpeheapmin.
Visot min bálvalusat leat nuvttá. Mii fállat ságastallama dárogillii, sámegillii ja eŋgelasgillii, eará gielaide diŋgot dulkka. Ságastallan bistá sullii diimmu, ja mii sáhttit deaivvadit video dahje telefovnna bokte, dahje min kantuvrrain. Don mearridat ieš galle háve dárbbašat ságastallama, de soahpat dan ovttas.